Syndicate content

இலங்கையின் தோட்ட பகுதிகளில் கல்வி மற்றும் ஆரம்பகால சிறுபராய பராமரிப்பை மேம்படுத்தல்

Shalika Subasinghe's picture
Also available in: English | සිංහල
இலங்கையில் தோட்டத் தொழிற்துறையானது தேயிலை,றப்பர் அல்லது தெங்குத் தோட்டங்களை உள்ளடக்கியதாகவும், அரசாங்கத்தாலோ, பிராந்திய தோட்ட நிறுவனங்களாலோ, தனி நபர்களாலோ, குடும்பங்களாலோ நிர்வாகிக்கப்படுவதாகவோ, சொந்தமானதாகவோ இருக்கின்றன.
 
இலங்கையின் சனத்தொகையில் 4 வீதமான மக்கள் பெருந்தோட்டங்களில் வாழ்கின்றனர்.  கடந்த தசாப்தத்தில் இலங்கையில், வறுமை விகிதம் கணிசமானளவு முன்னேறியிருந்தாலும் கூட, பெருந்தோட்டங்களில் வாழும் மக்கள் மிகவும் வறிய சூழ்நிலையிலேயே வாழ்கின்றனர்.
 
ஹட்டன், மத்திய பிரிவின் மவுண்ட் வெர்னன் தோட்டத்தில், ஒரு பழைய சிறுவர் அபிவிருத்தி மையம் (CDC) ஒன்று வீதிக்கு மிக அருகுமியில், சிறுவருக்கு அங்கிங்கே அசைவதற்கும் இடமில்லாதளவு மிகச்சிறிய இடவசதியோடு காணப்படுகிறது.
 
மிக அண்மைக்காலம் வரை மிக மோசமான நிலையில் வசதிகளற்றுக் காணப்பட்டது. அண்மையில் உலக வங்கியால் நிதி வழங்கப்படும் இலங்கை இளம் பராயத்து சிறுவர் அபிவிருத்தித் திட்டத்தின் நிதியுதவியில் மூலமாக புதிய இடவசதியுடன் கூடிய CDC யைக் கட்டியெழுப்பும் வரை இந்நிலை தான் காணப்பட்டது.
 
மவுண்ட் வெர்னன் தோட்ட, மத்திய பிரிவின் ,  பிரைட்டன் முன்பள்ளி சிறுவர்கள் திறப்பு விழா நாளின்போது அனைவரையும் வரவேற்கத் தயாராகிறார்கள். படப்பிடிப்பு:  ஷாலிகா சுபசிங்க 

நிர்மாணப் பணியானது பூர்த்திசெய்யப்பட்டு 2017 ஒக்டோபரில் சமூகத்திடம் கையளிக்கப்பட்டது.
 
கிட்டத்தட்ட 20 சிறுவர்கள் தினமும்  சிறுவர் அபிவிருத்தி மையத்துக்கு சமூகம் தருகின்றனர்.
 
சிறுவர் அபிவிருத்தி அதிகாரியான கமல தர்ஷினி, சிறுவருக்கு புத்தம்புதிய இடமொன்று புதிய தளபாடங்கள், விளையாட்டுப் பொருட்களுடன் கிடைத்ததில் திருப்தியுற்றுள்ளார். அந்தச் சிறுவர்கள் வெவ்வேறு நிறங்களில் விருப்பம் கொண்டவர்களாகவும் சிறுவர் மையத்துக்கு தினந்தோறும் வருவதற்கு ஆர்வமுடையவர்களாக இருப்பதாகவும் அவர் உணர்கிறார்.
 
அந்த சிறுவர்களில் ஒருவரின் உறவினரான S.ராஜேஸ்வரி "புதிய சிறுவர் மையமானது பல மாற்றங்களைக் கொண்டுள்ளது.காற்றோட்டமானது. குழந்தைகள் விளையாடுவதற்கு இடவசதியும் உள்ளது. நீர் மற்றும் மின்சார வசதியும் உள்ளது" என்று குறிப்பிடுகிறார்.

இரண்டு வயதான தக்க்ஷிதாவின் தயாரான M.கௌரி "அங்கே சிறுவர்க்கான இரண்டு நவீன மலசல கூடக் கிண்ணக் கழிப்பறைகள் உள்ளது மகிழ்ச்சியைத் தருகிறது. எனது மகன் அங்கேஇயற்கை உபாதைகளைத் தீர்த்துக்கொள்ள விரும்புகிறார்"என்றார். அத்துடன் "வெளியேயுள்ள விளையாடும் பகுதி வேலியினால் அடைக்கப்பட்டுள்ளது.தக்ஷிதா பாதுகாப்பாக இருப்பார் என்பது மகிழ்ச்சியைத் தருவதோடு அவர் அருகேயுள்ள தேயிலைச் செடிப் பற்றைகளுக்குள் தொலைந்துவிட மாட்டார் என்பதில் மகிழ்ச்சி" என்று மேலும் தெரிவித்தார்.
 
சிறுகுழந்தைகள் அறையானது பாலூட்டுவதற்குத் தனியான இடத்தைக் கொண்டுள்ளதுடன், பால் மா கொடுப்பதை விட தாய்ப்பால் கொடுப்பதே சிறப்பானது என்பதை பிரசாரப்படுத்தும் இரு பெரிய சுவரொட்டிகள் தமிழிலும் சிங்களத்திலும் காணப்படுகின்றன.
 
கமலா 2010இல் தன்னுடைய சிறுவர் அபிவிருத்தி டிப்ளோமாவைப் பெற்றதுடன் இன்னொரு புதிய கற்கை நெறியை இவ்வருடம் தொடரவுள்ளார்.
 உதவி சிறுவர் அபிவிருத்தி அலுவலராகவுள்ள யமுனா பெருந்தோட்ட மனிதவள அபிவிருத்தி அறக்கட்டளை (PHDT) யால் நடத்தப்படும் சிறுவர் அபிவிருத்தி டிப்ளோமா நெறியைத் தொடர்கிறார்.

இலங்கை மகளிர் முன்வர தயங்க வேண்டுமா?

Seshika Fernando's picture
Also available in: English | සිංහල
Women in Sri Lanka routinely experience sexual harassment in the workplace. Some have been denied promotions, been paid less than their male peers, and sexually harassed at work
இலங்கையில் பெண்கள்  அவர்கள் பணியிடங்களில் துன்புறுத்தல்களை எதிர்கொள்வது வழமையான விடயமாக காணப்படுகின்றது.

நான் பணிபுரியும் நிறுவனத்தில் பணியில் அக்கறையற்ற நபர்களிற்கு  இடமில்லை என்ற கடுமையானகொள்கையை பின்பற்றுகின்றோம் .தங்கள் சக பணியாளர்களை வம்பிற்கு இழுக்கும் கேலி செய்யும் நபர்களிற்கு இடமில்லை என்பதே இதன் அர்த்தம்.எங்கள் பணியாளர்கள் ஏனையவர்களின் தனிப்பட்ட விடயங்களிற்குள் தலையிடுவதில்லை. அழைப்பில்லாத தனிப்பட்ட தொடர்புகளை ஏற்படுத்துவதில்லை.இலங்கையில் பெண்கள்  அவர்கள் பணியிடங்களில் துன்புறுத்தல்களை எதிர்கொள்வது வழமையான விடயமாக காணப்படுகின்றது.ஆனால் இது போன்ற கொள்கைகள் ஒரு பாலினத்திற்கு மாத்திரம் சார்பாக காணப்படுவது இல்லை.ஆண்கள் இதன் நன்மையை அனுபவிக்கின்றனர்.

துரதிஸ்டவசமாக எனது நிறுவனத்தின் கொள்கை என்பது விதிமுறை என்பதை விட தனித்துவமானது.சமீபத்தில் பெண் பொறியியலாளர்களை சந்தித்து அவர்களின் அனுபவங்களை கேட்பதற்கான வாய்ப்பு கிடைத்தது.ஒருவர் களப்பணிகளிற்கு செல்வது எவ்வளவு கடினமானதாக காணப்படுகின்றது என தெரிவித்தார். தனது ஆண் சக தொழிலாளர்கள் தன்னை மதிக்க விரும்பாததாலும் தனது வழிகாட்டுதல்களை செவிமடுக்க விரும்பாததாலுமே இந்த நிலை காணப்படுவதாக அவர் தெரிவித்தார். ஏனைய பெண்களிற்கு பதவி உயர்வு மறுக்கப்பட்டுள்ளது, 
 

Sheshika Fernando addressing the gathering at an international conference
நான் சர்வதேச தொழில்நுட்ப மாநாடுகளில் அடிக்கடி எனது நிறுவனத்தை பிரதிநிதித்துவம் செய்கின்றேன்.

 

அவர்களுக்கு அவர்களது ஆண்சகாக்களை விட குறைவாகவே ஊதியம் வழங்குகின்றனர் அவர்கள் பாலியல்ரீதியிலான துன்புறுத்தல்களை எதிர்கொள்ளவேண்டியுள்ளது.

இலங்கையில் பெண்களின் முன்னேற்றத்திற்காக உழைப்பதற்கான காலம் இது!

Idah Z. Pswarayi-Riddihough's picture
Also available in: English | සිංහල
 
Starting today, March 8, we at the World Bank are embarking on a year-long effort to rally the government, our development partners, the private sector and the public to see how we can really deliver results for Sri Lanka’s women.
இன்று மார்ச் 8ம் திகதி தொடக்கம் உலக வங்கியைச் சேர்ந்த நாம் ஆரம்பித்துள்ள இந்த வேலைத்திட்டத்தினூடாக  நாட்டின் அரசாங்கம், அபிவிருத்திப் பங்காளர்கள், தனியார் துறையினர் மற்றும் பொதுமக்களையும் இணைத்துக் கொண்டு எங்ஙனம் இலங்கைப் பெண்களின் நிலையை முன்னேற்றும் விடயத்தில் சாதகமான பெறுபேறுகளை உண்மையாகவே அடையமுடியும் எனப் பார்க்கின்றோம்.

சர்வதேசப் பெண்கள் தினம் ,எனது நாட்காட்டியில் எப்போதுமே முக்கியத்துவம் மிகுந்த நாளாகும். அந்தவகையில் 'முன்னேற்றத்திற்காக பணியாற்றுவோம்' #PressForProgress என்ற இவ்வருடத்திற்கான தொனிப்பொருள் பெரும் உற்சாகத்தைத் தருவதாக அமைந்துள்ளது என்றால் மிகையாகாது.
 
இன்று மார்ச் 8ம் திகதி தொடக்கம் உலக வங்கியைச் சேர்ந்த நாம் ஆரம்பித்துள்ள இந்த வேலைத்திட்டத்தினூடாக  நாட்டின் அரசாங்கம், அபிவிருத்திப் பங்காளர்கள், தனியார் துறையினர் மற்றும் பொதுமக்களையும் இணைத்துக் கொண்டு எங்ஙனம் இலங்கைப் பெண்களின் நிலையை முன்னேற்றும் விடயத்தில் சாதகமான பெறுபேறுகளை உண்மையாகவே அடையமுடியும் எனப் பார்க்கின்றோம்.
 
ஏன் இந்த அவசரம்
 
எளிமையாகக் கூறுவதென்றால், தொழில்புரியும் பெண்களைப் பொறுத்தமட்டில் இலங்கை அதனையொத்த அபிவிருத்தி வீச்சிற்குள் இருக்கின்ற பல நாடுகளுடன் நோக்குகையில்  பின்தங்கிய நிலையில் காணப்படுகின்றது. இலங்கையிலுள்ள 15 வயதிற்கு மேற்பட்ட பெண்களில் 214, 298 பெண்கள் தொழிலற்றவர்களாக இருக்கின்றனர் என்பது உங்களுக்குத் தெரியுமா? 
 
இலங்கையின் தொழிற்படையில் பெண்களின் பங்கேற்பு வீதமானது கடந்த இருதசாப்தங்களில் 30களின் மத்தியிலேயே முன்னேற்றமின்றிக் காணப்படுகின்றது.  பொருளாதார ரீதியாக வினைத்திறன் அற்றவர்கள் எனக் கருதப்படுபவர்களாக கணிப்பிடப்பட்டுள்ள 7.3 மில்லியன் மக்களில் 73.8 சதவீதமானவர்கள் பெண்களாக காணப்படும் அதேவேளை ஆண்களின் எண்ணிக்கை 26.2 சதவீதமாகக் காணப்படுகின்றது.  

இலங்கையின் வளர்ச்சிப் பாதை எவ்வாறு அமைந்திருக்கின்றது?

Idah Z. Pswarayi-Riddihough's picture
Also available in: English | සිංහල

அண்மையில் இடம்பெற்ற சம்பியன்ஸ் கிண்ண கிரிக்கட் போட்டித் தொடரில் இலங்கை அணியினர் சிறப்பாகச் செயற்பட்டதாக சிலர் எண்ணம் கொண்டிருக்கலாம். அதில் நானும் அடங்குகின்றேன். ஆயினும் தொலைக்காட்சிகளிலும், சமூக வலைத்தளங்களிலும், ஏன் எமது அலுவலகத்தில் கூட காரசாரமான விவாதங்கள் முன்னெடுக்கப்பட்டு அவர்கள் அனைவருமே அணியினது பெறுபேறுகள் விடயத்தில் ஒருமித்த நிலைப்பாட்டைக் கொண்டிருக்கவில்லை என்பதை தெளிவாக்குகின்றது. 

தமது கருத்துக்களில் வேறுபாடுகளைக் கொண்டிருந்த போதிலும் உலகின் பல்வேறு பாகங்களில் இருக்கும் எனது பல சகபணியாளர்களும், நண்பர்களும் போட்டிகளில் உற்சாகத்தை வெளிப்படுத்தியும் எதிரணிகளை ஆதரித்தும் போட்டிகளை ஆய்வுக்குட்படுத்தியும், போட்டியைப் பாதிக்கும் களத்திற்கு வெளியிலான அரசியல் நிலைகுறித்து கருத்துக்களை வெளிப்படுத்தியும், வெற்றி ஈட்டியவர்கள் தோல்வியடைந்தவர்கள் குறித்து தீர்ப்பிடும் வகையிலான கருத்துக்களை வெளிப்படுத்தியும், தமது ஆர்வத்தைக் கண்ணுற்றிருந்தேன். ஏனைய அணிகளுடன் இந்தப் போட்டித் தொடரில் பங்கேற்பதற்கு இலங்கை அணியானது சர்வதேச ரீதியில் முதல் எட்டு  இடங்களுக்குள் இடம்பெறவேண்டியது அத்தியாவசியமானது என்பதே இங்கு முக்கியமான விடயமாகும். எவ்வாறு பொருளாதாரம் வளர்ச்சி காண்கின்றது மற்றும்  அங்கீரிக்கப்படுகின்றது என்பதற்கு இந்த ஒப்பீடானது பொருத்தமானதாக அமைந்துள்ளது. ஆகவே இந்த சிந்தனைகளை நினைவில் நிறுத்திவைத்துக்கொள்ளுங்கள்.

பத்திரிகைகள் இணையத்தளங்களில் பல கட்டுரைகளைப் படித்தபோது சமூக வலைத்தளங்களில் பல்வேறு கருத்துப் பகிர்வுகளை வாசித்தபோது ஒரு விடயம் தெளிவாக புலனாகியது. அது என்னவென்றால் இலங்கை எவ்வாறு வளர்ச்சி காண்கின்றது என்பது தொடர்பாக எந்தவகையிலான ஒருமித்த கருத்துக்களும் கிடையாது. இவற்றுடன் 4.4 சதவீத வளர்ச்சி வீதம் தொடர்பில் அபிவிருத்தியடைந்த நாடுகள் திருப்திப்பட்டுக்கொண்டாலும் இலங்கையில் அது ஏற்றுக்கொள்ளக்கூடியதற்கு மிகவும் குறைவானதாகவே நோக்கப்படும். இது வளர்ச்சி காண்கின்றதா என சிலர் கேள்வியெழுப்புகின்றனர். மாறாக அது தொடர்பில் பல்வேறு கருத்துநிலைப்பாடுகள் காணப்படுகின்றன. நம் ஒவ்வொருவரின் வாழ்விலும் ஏதோ ஒரு வகையில் தொடர்புபட்டுள்ள இந்த விடயம் தொடர்பில் குழப்பமான நிலைமைக்கு இது வழிகோலிநிற்கின்றது.

ஏன் ஒவ்வொரு நாளும் சுற்றாடல் தினமாக இருக்கவேண்டும்?

Idah Z. Pswarayi-Riddihough's picture
Also available in: English | සිංහල

இந்த வருடத்தின் முதல் ஆறுமாத காலப்பகுதியில் இலங்கையில் வரட்சி, மண்சரிவு,  குப்பை மேடு சரிவு ,வெள்ளப்பெருக்கு போன்ற பல பாரிய அனர்த்தங்கள் இடம்பெற்றன. பாதிக்கப்பட்டவர்களைத் தவிர ஏனையோரின் கவனத்தைப் பெறாதளவில் மேலும் பல அனர்த்தங்களும் இடம்பெற்றன. இலங்கையர்கள் எதிர்கொண்ட இவ் அனர்த்தங்கள் சுற்றாடலை நாம் எங்ஙனம் பேணிக்காக்க வேண்டும் என்பதை அச்சொட்டாக வலியுறுத்தி நிற்கின்றன.    உயிர்களுக்கும் உடைமைகளுக்கும் ஏற்பட்ட சேதங்கள், வாழ்க்கைச் சக்கரத்தில் ஏற்பட்டுள்ள தடங்கல்கள், உளவியல் ரீதியாகவும்  ஆன்மீக ரீதியாகவும் மிகவும் கடினமானவை. எப்போதேனும் இவற்றை வழமைக்கு கொண்டுவருவது மெதுவான செயற்பாடாக அமையும்.

நிலைபேறான சுற்றாடல் முகாமைத்துவம் தொடர்பான சிந்தனைகளை ஆண்டில் ஒரு நாளுக்கு மாத்திரம் நாம் ஏன் மட்டுப்படுத்தவேண்டும்?  நகரப்பகுதிகள், ஆறுகள் அன்றேல் கடலில் இருந்து குப்பைகளைச் சேகரித்தல், தொண்டுநோக்கிற்கான நடைபவனியில் பங்கேற்றல் போன்ற செயற்பாடுகளில் ஈடுபடுவதன் மூலமாக நாம் வழமையாக சுற்றாடல் தினத்தைக் கொண்டாடுகின்றோம்.   இந்த ஒருநாளில் சுற்றாடல் குறித்த ஆர்வம் கட்டியெழுப்பப்படுகின்றது. அனைவரும் பங்கேற்கின்றனர்.  மறுநாளோ வேறு முக்கியத்துவம் மிக்க விடயங்களை நோக்கி அவர்களின் கவனம் நகர்ந்துவிடுகின்றது.  அடுத்த கட்ட அனர்த்தம் நிகழும் வரையில் அவர்களது கவனம் வேறுவிடயங்களில் இருக்கும். மீண்டுமாக ஒருவரை ஒருவர் மாறிமாறி குற்றஞ்சாட்டுதல் ஆரம்பிக்கும்.

Photo Credit: Mokshana Wijeyeratne

பிரச்சனையின் ஓர் அங்கமாகவும் தீர்வின் ஓர் அங்கமாகவும் நாம் எம்மைப் பார்க்கும் வரையில் எதுவுமே மாறப் போவதில்லை. இவ்வாறான பல விடயங்களில் நாம் தினமும் ஒரு மாற்றத்தை ஏற்படுத்த முடியும். கழிவுகள் பற்றி  அவதானம் செலுத்துவோம். எமது இல்லங்களில் தனிப்பட்ட ரீதியில் நாம் அனைவரும் கழிவுகளை உருவாக்குகின்றோம். எம்மைப் பொறுத்தவரையில் குப்பை பைக்குள் கழிவுகளைக் கொட்டி அகற்றிவிட்டவுடன் அந்தப் பிரச்சனை எமக்கில்லை. உண்மையில் கூறுவதானால் அது பொதுமக்களின் பிரச்சனையாக மாறுகின்றது. கழிவுகளை வீட்டிற்குள்ளேயே நாம்  மக்கிப் போகின்றவை எனவும் மீள்சுழற்சிக்குட்படுத்தக்கூடியவை மற்றும் எஞ்சியவை எனத் தனித்தனியே வேறுபிரிப்பதற்கான சாதாரணமான அர்ப்பணிப்பைக் காண்பிப்போமானால் அவை ஒழுங்கான முறையில் சேகரிக்கப்பட்டு அகற்றப்படுமானால் ஒட்டுமொத்த  கழிவுகளின் அளவைக் கணிசமாகக் குறைத்துக்கொள்ள முடியும். கழிவுகளில் இருந்து தயாரிக்கப்படும் உரத்தைக் கொண்டு தோட்டங்களையும் பயிர்களையும் செழிப்படையச் செய்யலாம்.